شروع :
فى زحمة السوق كان هنالك رجلان من مباحث الفطور يندسان وسط المارة لتتبع الجمهور والإمساك بالمخالفين :
- شفت الزول ابوجلابية سمنية دااك .. العاوز يطلع كيس الصعوط داااك
- آآى يلاك نمشى عليهو
- أحدهما : بتدردم فى السفه دى ساااكت وإلا عندك ترخيص
- ما أدردما كان دردمتها شايفنى ختيتا هسه فى خشمى؟
- ما شرطن تختها فى خشمك إنت ما قريت القانون
- قانون شنو مش قلتو الزول البياكل أو يشرب أو يتناول مكيفات !
- طيب الصعوط ده مش مكيفات؟
- آآى بس لكن أنا هسه ما سفيت !!! دردمتها ساااكت
- يخرج دفتر الإيصالات : ياخى ما تأخرنا الأيصال إتقطع أدفع الغرامة وخلينا نمشى !
- هى أدفع لكن ساااكت أنا ما سفيت !! إنتو عاوزين تحاكمونى بدون ماده ؟
- يخرج القانون من جيبه : بدون ماده كيف كدى أقرأ هنا .. مش فى ماده إسمها شروع فى الإفطار !
بالله يا أخوانا أعملو مقارنة بين الحاصل و المكتوب وقول رايك ولو لي نقسك وما تنسو نحن في شهر رمضان وخليك صادق .................... ؟